За Центарот за социјални претпријатија

За закажување обука/ работилница или настан поврзан со социјалното претприемништво, потребно е да испратите е-порака од официјалната е-пошта на здружението/ институцијата барател до официјалната е-пошта за контакт на Центарот: centarsp@mtsp.gov.mk

Барањето треба да ги содржи следниве податоци:

• Краток опис на активностите и дејноста на организацијата;
• Краток опис на настанот кој би сакале да го одржите во просториите на Центарот, и која е неговата поврзаност со социјалното претприемништво;
• Предлог за датум и времетраење на настанот (со наведен почеток и крај на настанот);
• Број на учесници кои би присуствувале на настанот.

Откако барањето ќе биде примено, ќе се провери дали ги исполнува потребните услови и ќе добиете повратен одговор за тоа дали барањето е одобрено или одбиено.

Пожелно е барањето да биде испратено 7 до 10 дена однапред, со цел навремено да се направат потребните промени во распоредот на Центарот во однос на достапноста на просториите.

На ист начин може да се закаже и информативен состанок со некој од консултантите. Во зависност од видот на консултантски услуги што се нудат, може да закажете консултации за деловно планирање, прибирање средства, аплицирање за грант, итн.

Две простории се достапни за одржување настани и обуки:

• Голема просторија за обука со капацитет до 30 луѓе;
• Помала просторија со амфитеатар со капацитет до 20 луѓе.

Просториите се опремени со маси, столчиња, техничка опрема (телевизор, проектор, звучници, микрофони и HDM кабли) и безжичен интернет.

Учесниците се должни да ја чуваат опремата која што им е дадена на користење за време на настанот, и просторијата да ја остават во иста состојба во која што ја добиле, како и да се придржуваат до Ковид-протоколите за настани во затворен простор.

Исто така, на располагање стојат три изложбени штанда кои може да се користат за потребите на настанот, на пример, за промотивни производи, како биро за информации, итн. Дополнително може да се користи и малото плато пред влезот на Центарот.

Гостите може да ги користат тоалетите, од кои еден е за лица со попреченост. На влезот од Центарот е поставена пристапна патека за инвалидска количка. Пијалаците, храната и приборот што ќе се користат за време на настанот треба организаторите/гостите сами да си ги обезбедат.