Mbi Qendrën e Ndërmarrjeve Sociale

Për të caktuar trajnim / punëtori apo ngjarje që ka të bëjë me sipërmarrësinë sociale duhet të dërgoni e-mail nga adresa zyrtare e shoqatës/ institucionit që organizon trajnimin në adresën zyrtare për kontakt të Qendrës:
centarsp@mtsp.gov.mk

Kërkesa duhet të përmbajë:

• Përshkrim të shkurtër të aktiviteteve dhe veprimtarisë së organizatës
• Përshkrim të shkurtër të ngjarjes që doni ta mbani në hapësirat e Qendrës, dhe lidhjen që kjo ngjarje ka me sipërmarrësinë sociale
• Propozim datë dhe kohëzgjatje të ngjarjes (theksoni fillimin dhe fundin e ngjarjes)
• Numri i pjesëmarrësve që planifikohen të marrin pjesë tek ngjarja

Pasi të pranohet kërkesa, do bëhet kontrolli i plotësimit të kushteve dhe do ju jepet përgjigje lidhur me pranimin apo refuzimin e kërkesës.

Rekomandohet që kërkesa të dërgohet 7 deri në 10 ditë paraprakisht, në mënyrë që të bëhen ndryshimet e nevojshme në orarin e Qendrës për sa i përket disponueshmërisë së hapësirave.

Në po këtë mënyrë mund të caktohet edhe takim për të marrë më shumë informacion nga ndonjëri nga konsulentët. Varësisht nga lloji i shërbimit konsulent që ofrohet, mund të caktoni konsultime për planifikim afarist, mbledhje të mjeteve, aplikime për grante, etj.

Për organizim të ngjarjeve dhe trajnimeve në dispozicion janë dy hapësira:

• Salla e madhe për trajnim me kapacitet 30 persona;
• Salla më e vogël me amfiteatër me kapacitet 20 persona.

Këto salla janë të pajisura me tavolina, karrike, pajisje teknike (televizor, projektor, autoparlantë, mikrofonë dhe kabllo HDM) dhe internet me valë.

Pjesëmarrësit kanë për detyrim të ruajnë pajisjet që iu jepen për përdorim gjatë ngjarjes, dhe sallat duhet të lihen siç janë gjetur, si dhe t’iu përmbahen protokolleve të Covidit për ngjarje që organizohen në hapësira të mbyllura.

Poashtu, në dispozicion janë tri stenda për ekspozim që mund të përdoren gjatë ngjarjes, si për shembull për të promovuar produktet, si pikë për ofrimin e informacioneve, etj. Poashtu, mund të përdoret edhe pllakati para hyrjes së Qendrës.

Mysafirët mund të përdorin tualetet, njëri nga të cilët është për personat me aftësi të kufizuara. Tek hyrja e Qendrës kemi vendosur shtegun ku mund të kalojë karroca e invalidëve. Pijet, ushqimi dhe enët që do përdoren gjatë takimeve sigurohen nga vetë organizatori/mysafirët.