За проектот - Центар за социјални претпријатија

Главна цел на проектот

Да се поддржи и обезбеди долгорочно и одржливо вработување и деловни можности за ранливи и маргинализирани групи.

Цел на проектот

Да се воспостават структури за поддршка на социјалните претпријатија коишто ќе обезбедат низа услуги како што се трансфер на знаење и директна поддршка за градење на капацитети, формално и неформално образование и обука, бизнис едукација, организација на настани, споделување канцелариски простор или опрема.

Да се зајакнат капацитетите на структурите за поддршка да можат да го анализираат и следат пазарот на социјални претпријатија, да ги идентификуваат потребите, да помагаат во развивање и промовирање на нови услуги, како и да ги олесни прилагодувањата на политиките и законската рамка со цел да се создаде погодна средина за развој на социјални бизниси.

Очекувани резултати

Понатамошно подобрување на правната рамка во врска со социјалното претприемништво, дефинирање на протокол и процедури за регулирање на основањето, работењето и поддршката на социјалните претпријатија, како и воспоставување на систем за следење на работата на социјалните претпријатија и проценка на ефектите од мерките и структурите за поддршка на социјалните претпријатија;
Основање на центар за поддршка на социјалните претпријатија, и обезбедување на одржливо функционирање на тимот за поддршка на социјалните претпријатија;
Воспоставување на компетентни локални контакт точки за обезбедување оперативна поддршка за социјалните претприемачи, со дефиниран деловен модел за услугите што ќе ги нудат;
Развиени квалитетни услуги за поддршка и програми за обука усогласени со потребите на социјалните претпријатија, како и зголемени организациски, менаџерски и технички капацитети, со цел социјалните претпријатија да станат попрофесионални и одржливи;
Подобрено знаење за одредбите и примената на новиот Закон за социјална заштита и новиот Закон за јавни набавки, со цел поактивно вклучување на социјалните претпријатија во доменот на пружање услуги;
Зголемена видливост на социјалните претпријатија и подигање на свеста во врска со потребата од нивното постоење.

Главни активности и проектни компоненти

Создавање на поволна правна, регулаторна и финансиска поддршка и мониторинг рамка за социјални претпријатија;
Воспоставување, организирање, управување и работење на структурата за поддршка на социјални претпријатија преку локални контакт точки за поддршка;
Градење на капацитетите на вработените во локалната самоуправа, јавните оператори и локалните граѓански организации;
Подигање на свеста и видливост на социјалните претпријатија.

Главни засегнати страни

• Министерство за труд и социјална политика
• Министерство за финансии
• Министерство за економија
• Агенција за поддршка на претприемништвото
• Фонд за иновации и технолошки развој
• Агенција за вработување

• Мрежа на социјални претпријатија
• Управа за јавни приходи
• Центален регистар
• Секретаријат за Европски прашања
• Единици на локална самоуправа, граѓански организации, бизнис заедницата, банки и финансиски организации;
• Медиуми и пошироката јавност.