Регионални центри

Регионалните центри во осумте плански региони во земјава се дел од системот за поддршка и развој на социјалната економија и социјалното претприемништво. Центрите функционираат како клучните точки за поддршка, развој и унапредување на капацитетите на социјалните претприемачи и претпријатија. Регионалните центри овозможуваат комуникација и соработка со локалните власти, граѓанските организации, социјалните претпријатија, приватни компании, индивидуални експерти, академски кругови и сите субјекти кои можат да ја понудат својата експертиза во поддршка на понатамошниот развој на социјалните претпријатија. Заедно со Националниот Центар за социјални претпријатија, регионалните центри се посветени на социјална и професионална реинтеграција на обесправените групи како и за одржлив развој на локалните заедници.